recent
منح مجانية

8 اشياء تضمن لك القبول في اي منحة دراسية




8 اشياء لضمان القبول في اي منحة دراسية

8 اشياء لضمان القبول في اي منحة دراسية



1.       البيانات: معظم الناس مش بتدي اي اهتمام للبيانات .. لازم لما تدخل البيانات تكون صحيحه خاليه من الاخطاء الاملائية و خصوصا البيانات الخاصة بالاسم و تاريخ الميلاد و مكان الميلاد و رقم جواز السفر و غيرها .. بالاضافة انك لما تيجي تدخل البايانات لازم تكون وفقا للشروط اللي المنحة طلباها
علي سبيل المثال: لو مطلوب منك اسمك و اسم العائله (Name- Family Name) ف كل المطلوب منك انك تدخل الاسمين دول فقط الي هو اسمك و اسم العائله
2.       الشهادات: فيه ناس كتير بتعتقد ان الشهادات الكتير بتكون سبب قبولهم .. دا كلام غير صحيح. العبره مش بالعدد و لكن بالقيمة. بمعني هل الشهادات دي في مجالك او التخصص الللي انت مقدم عليه في المنحة دي ولا لا! لازم تكون كل شهاده من الشهادات اللي معاك تكون تابعه للتخصص اللي مقدم عليه .. حاول بقدر الامكان تحضر نفسك قبل المنحة و تحضر شهاداتك و تعرف هاينفع تقدم ايه من الشهادات دي
3.       التطوع: لازم تكون نشط اجتماعيا يعني لازم يكون عندك شهارات تطوعية. طبعا في ناس كتير بتسال نفسها ايه الفايده من التطوع و ليه لازم اقدملهم اثبات! الاجابه انهم من خلال اعمالك التطوعية هما بيقدروا يحددوا هل انت تقدر تتاقلم في المكان اللي انت رايحه و هاتقدر تتعايش ولا لا. لانك رايح مجتمع تاني غريب عليك و معني كلمه غريب انه مختلف في العادات و التقاليد و الثقافه و الطقس و الناس نفسهم و غيرها. حاول كمان لما تروح تتطوع يكون المكان خاص بالتخصص بتاعك.
4.       اللغه: معظم الناس بترفض انها تاخد كورسات لغه و السبب بيكون ان الاماكن مش معتمد و دا سبب خطا. بكل بساطه معظم المنح دلوقت مش بتكون طالبه لغه لان كل دوله حاليا او كل منحه بتجبرك انك تتعلم لغه البلد الخاصه بيها. علي سبيل المثال لو انت مقدم علي منحه في روسيا ف هما بيكونوا طالبين منك انك توافق علي دراسه سنه كامل للغه الروسيه او تقدم لهم اثبات انك بتتكلم روسي و هكذا بالنسبه لباقي البلاد زي المانيا و فرنسا و رومانيا. اما بالنسبm لبعض الدول اللي بتطلب شهادات معتمده فبيكونوا طالبين بنسبة 99% تويفل او ايلتس. و اي من الامتحانين سوا TOEFL  او IELTS بيكونوا معتمد من جهه واحده فقط و هي ETS. بالنسبة لموضوع اللغه مفيش اي قلق من ناحيته كونك هاتتعلم لغه جديده دي حاجه مفيده جدا و ممتعه جدا.
5.       خطاب التوصية: معظم الناس بتشوف ان خطاب التوصيه – Recommendation Letter عائق كبير و بعض الناس بيعموا خطاب التوصية بطريقة خاطئة. خطاب التوصية بيكون لية شروط معينة و اللي هي
·         لازم تكون اللغه رسمية و خالية من الاخطاء الاملائيه (علي سبيل المثال: يكون باللغه الانجليزية و خالي من الاخطاء الاملائية و الاخطاء المتعلقه بالقواعد)
·         لازم الشخص اللي هايكتبلك خطاب التوصية يعرف نفسة و يكتب هو يعرفك ازاي و يعرفك من كام سنه (لو دكتور جامعة مثلا فهيكتب انه دكتور جامعي و كان بيدرس ليك منذ 3 سنوات و هكذا)
·         لازم يذكر الصفات اللي فيك و المهارات اللي عندك اللي تاهلك انك تتقبل في المنحه دي بمعني ايه المميزات اللي فيك علشان تتقبل ي المنحه دي
·         ياريت اللي بيكتبلك خطاب التوصية يكون يعرفك كويس و يحبذ لو كان شخصيه تشغل منصب مهم زي عميد او دكتور جامعة او شخص كان مدير في شركة انت اتدرب فيها و هكذا
دا لينك ازاي فية كل حاجه عن خطاب التوصية من هنا.
6.       التقدير: فية كتير من الناس بتسال هلي التقدير بيفرق في التقديم علي المنح ولا لا. الاجابة ان معظم المنح بتكون طالبه تقدير جيد و فية بعض المنح مش بتكون طالبة التقدير هما بيطلبوت بيان درجات منك علشان يعرفوا ايه المواد اللي انت درستها و كمعلومه بسيطه لو انت تقديرك عالي ف دي بتكون ميزه ليك انك بتفرق علي الناس اللي مقدمه علي نفس المنحه. بيكون بمثابة نقطه في صالحك تميزك عن غيرك
7.       السيرة الذاتية CV: دا لازم يكون بيحكي عنك و يتكتب فيه كل حاجه تخصك و انا شرحت قبل كدا ازاي تعمل السيرة الذاتية CV هتلاقية في اللينكات دي من هنا و هنا.
8.       الانترفيو- Interview: النقطه دي تقريبا كل الناس بتخاف منها مع انها من اسهل الخطوات في قبولك في اي منحة دراسية. الانترفيو او المقابلة الشخصية بتعتمد بشكل كبير علي شخصيتك بمعني انك لازم تكون واثق من نفسك  بتتكلم من غير اي قلق او توتر
·         لازم يكون عندك لغة الجسد – Body Language و اللي هي ازاي انت تعبر من كلامك بلغة الجسد و اية المفروض تعملة اثناء المقابلة الشخصية من اول ما تخبط علي باب الاوضة اللي بيكون فية المقابلة الشخصية و طريقة فتح الباب و تقعد ازاي قدام الشخص اللي هيسالك لغاية ما تنتهي المقابلة و دا اللي انا هاشرحة الفترة اللي جاية
·         لازم يكون معاك الاوراق الخاصة بيك في ملف. كل الاوراق اللي انت قدمتها في الابليكشن عند التقديم و الاوراق تكون مختومه
·         لازم تختار لغة المقابلة بعناية يعني لو متمكن من الانجلش اختاره بالانجلش او خليها باللغة اللي انت بتتكلمها بطلاقة
·         التركيز في الاسئله  اللي هايدوهالك و طرية الاجابة لان كل سوال هما بيسالوه بيشوفوا رد فعلك و قدر معرفتك بالسوال دا

Reactions:
author-img
فرصة كل يوم - Get Your Chance

تعليقات

تعليقان (2)
إرسال تعليق
  • sports photo
    sports10 أبريل 2020 في 1:08 م

    هو ينفع خطاب التوصية يكتب بالعربية ولا لازم الانجليزية ؟ لان اغلب الاشخاصاللى هختارهم للكتابة تجيد العربية ع عكس الانجليزية ..


    حذف التعليق
google-playkhamsatmostaqltradent