U3F1ZWV6ZTI3OTc0MjY1OTc2OTIwX0ZyZWUxNzY0ODU4NTkzNzA0Mw==

نصائح لطلاب الثاوية العامة للحصول علي مجموع 99.8%


الثانوية العامة


الثانوية العامة




الثانوية العامة واخده اكتر من حقها مع انك كنت بتدرس في اولي و تانية ثانوي مواد اكتر من تالته ثانوي

1-      بلاش توتر نفسك و تخاف لان الموضوع بسيط بلاش تدي ودانك للناس و الضغط النفسي اللي هو اصلا ملهوش اي لازمه انا عارف انك عايز تجيب مجموع عالي علشان تدخل طب او هندسه علشان احنا في مجتمع مش بيعترف الا بالكليتن دول و لو مجبتش كليه منهم تبقي انت فاشل و و و و دا عن تجربة شخصية و لكن الحمد لله قدرت اثبت العكس و عارف انك عايز تفرح و خايف من نظره اهلك ليك و كممان كلام الناس اللي هو اصلا ملهوش اي لازم برضو لان الموضوع لو كبر هايتحول لوهم انت اللي صنعته بنفسك و هاتعرف بنفسك ان الثانويه العامه ولا حاجه مع اول شهر ليك في الجامعة. فلو انت حقيقي نفسك تجيب مجموع متفكرش في الطريقه اللي تجيب بيها مجموع لانك هاتفضل خايف. الافضل من التفكير هو انك تقوم و تبدا الحل اللي يخليك تجيب مجموع. 
2-       الخوف من الفشل دا من اكبر الاسباب اللي بتخليك مش قادر تعمل حاجه. و في مقوله كدا بتقول الحاجه اللي تخاف منها اعملها علشان تبطل تخاف منها تاني. الخوف دا طبيعي جدا لاننا بشر لكن حول الخوف دا لعامل حفاز يدفعك لقدام مش يخليك قاعد مبتعملش حاجه و في الاخر هاتفشل. اكتر انسان بيخاف هو اكتر انسان ناجح لان خوفه مش خوف مرضي.
3-      امتحان الثانوية العامة زيه زي اي امتحان انت دخلته قبل كدا. امتحانات الدروس اللي بتاخدها في الدرس هيا اساله سابقة يعني كل حاجه من المنهج مفيش حاجه اسمها من برا المنهج و الدرجه اللي بتجيبها في الدرس و الدرجات اللي جبتها في اولي و تانيه ثانوي مش هيا هيا اللي هاتجيبها في تالته ثانوي. لاننا في الدرس احنا مجرد بنتلعم ازاي نحل و كمان انت كل يوم بتتعلم حاجه جديده ف مستواك بيعلي يوم ورا يوم ف مفيش داعي لاي قلق. كل اللي عليك تذاكر بورقة و قلم و تراجع اكتر من مره و بلاش قلق.
4-       لما تغلط في نقط معينه دور انت ليه محلتش كويس و برضو مجبش العيب علي المدرس اللي هو اصلا انت بتفهم منه ليه دلوقت بقي هو السبب ممكن يكون العيب فيك انت يمكن مش مذاكر كويس او مقرتش السوال كويس او ما شبه ذلك مترميش شمعتك علي حد.
5-      تقسم السنه موضوع قسمه السنه دي سبله ملهاش اي داعي و بلاش تفكر في النققطه دي مهما كانت اسبابك مجرد التفكير بيها هايقوم صراع بداخلك و بالتالي هاتفقد تركيز و احنا عايزين طاقتك مركزه علي دراستك مش علشان تقضيها في صراعات داخليه .. ثانويه عامه كبيرها اصلا سنه و متاخدش اكتر من سنه و بلاش تقلد حد انه ساب مواد معينه ف تعمل زيه و ساعات بتكون ماجل علشان ماده واحده اللي هو هاتضيع سنه من عمرك علشان ماده و لما بتدخل الامتحانات هاتيجي تلاقي نفسك مش عارف تحل ف هاتقول و ماله ما ااجل الماده دي مع الماده دي و ههكذا ف هتلاقي كل المواد فوق داماغك
6-      تاخد درسين دا اكبر غلط بمعني المدرس اللي مش بيشرحلك كويس بلاش تكمل معاه و بلاش تاخد درسين. هو درس مع مدرس واحد اصلا وقت الثانوية العامة دا معمول علشان تركز فيه فبلاش تضيع وقتك. و في نقطه كمان ان معظم الطلبة تقولك المدرس دا بيشرح كويس و المدرس دا بيدي اساله ف انا اخد عند الاتنين دا اكبر غلط انت ممكن تعمله. دور علي مدرس بيشرح و يدي اساله كويس و لو ملقتش يبقي روح للمدرس اللي بيشرح كويس لان السوال دا انت اللي هاتتعامل معاه مش المدرس. انت اللي لازم تعمل ممارسة علي الاسئله مش المدرس. طب لو بتاخد درسين تسيب اي واحد فيهم! المدرس اللي بتفهم منه اكتر هو اللي تفضل معاه اللي مش بيشرح او بيحل اساله بس دا اللي تسيبه.
7-      بلاش موضوع التنقل بين المدرسين في الوقت دا و اللي هو المدرس دا بيدي الامتحان و دا ميعرفش حاجه لان كل الكلام دا غلط مش معني ان مدرس ادي سوال و جه زي ما هو في الامتحان يبقي المدرس دا بيديلك الامتحان. اللي هو اصلا الاسئله هيا هيا بس مع اختلاف الصيغة و المدرس بيديلك اساله من المنهج نفسه اصلا مش من برا.
8-      النوم الكتير .. لو انت مش تعبان صحيا او اي سبب مقنع للنوم يبقي سبب النوم هو مجرد هروب من مشاكل و من المسئوليه و دا للاسف هايضيعك و بلاش تستسلم اوقف مع نفسك و واجه ممشاكل و بلاش تذاكر علي السرير او في اوضه فيها سرير لانك بكل بساطه هتلاقي نفسك بتتغطي و بتنام من غير ما تحس. نام من 6 ل 8 ساعات دا الصح اكتر من كدا دا تهرب من المذاكره.
9-       اللي بيعمل جدول مش بيمشي عليه فبلاش تعمل جداول و تضيع وقتك الافضل انك تذاكر بالاولوية يعني اخدت درس كيمياء النهارده ارجع ذاكره. في نقطه تاني مهمه انت لازم تشوف مستواك ضعيف في ايه و اشتغل عليه لازم تذاكر و تشد حيلك. و كمان مش معني ان في ماده سهله يبقي تسبيها زي الفرنساوي برضو يبقي تسيبها و تذاكرها في الاخر. لازم تساوي بين كل المواد لان اي درحه هاتنقصها في اي ماده هتأثر علي مجموعك و بالتالي علي الكلية اللي نفسك تدخلها. 
10-    بالنسبة لتضيع الوقت في الدروس. يكفي انك تاخد في اليوم 4 ساعات و اللي بياخد درسين في ماده هو دا سبب مضيعه الوقت و لو في فاصل بين مادتين و ليكن ساعة واحدة حاول تسد الفراغ دا لان انت كدا بتضيع وقت من غير ما تحس هاتندم عليه في الاخر.
11-    اذاكر من فين و اجيب اي ملخصات .. الوحيد اللي ممكن يفيدك هو مدرسك لان عنده خبره كبيره و كمان ذاكر من مصدر واحد و حل من اكتر من مصدر. لان انت و بتذاكر اللي بتفهمه و بتحفظه هو اللي بيثبت في دماغك.
12-    كل ما تواجه مشكله حلها مش معني انك ضايع في ماده معينة يبقي تشتكي لا .. حاول تحلها و اسال مدرسك و استعين باصحابك.
13-   حاول لو انت عندك صحاب في ثانوية عامة امشي مع الصاحب اللي ينفعك علشان لو صاحبك بيذاكر هايخليك تذاكر و لو هما بتوع خروجات و كافيهات ف للاسف مش هاتقدر تذاكر و هاتضيع و بعدين هاتندم.
14-    بلاش تخنق نفسك في المذاكره خلصت مذاكره اطلع عيش حياتك و شم هواء مش معني انك خلصت تعيد تاني و تذاكر و تخترع مذاكره. لو ضغط نفسك هاتيجي في اخر السنه و تزهق و مش هاتكون قادر تذاكر. اطلع اتمشي او اتفرج علي تلفزيون مع عيلتك من الاخر افصل من المذاكره شويه.
15-    اياك تحاول تقارن نفسك بغيرك علشان هاتتعب و هاتفشل. خليك عارف ان كلنا مختلقين يعني مش زي بعض يعني مفيش حاجه اسمها اصل فلان بيذاكر 48 ساعه في اليوم و انا مش بذاكر كتير زيه ف كدا انا فاشل او تبص لواحد بيذاكر ساعتين في اليوم و تقول اشمعنا انا اذاكر كتير. شوف انت قدره استيعابك كد ايه! فيه واحد بيفهم بسرعه و فيه واحد بيفهم ببطئ و هكذا.
16-   حاول تتواصل مع حد اكبر منك و يكون ناجح علشان يقدر ينصحك بطريقه صحيحه. وجوده في حد ذاته دعم ليك.
17-   ادعي لربنا و صلي. علشان لو تخنت هايقولوا من كتر ما قاعد يذاكر تخن و لو خسيت هايقولوا من كتر المذاكره خس. محدش بيسيب حد في حاله.
اخر نصيحة و دي اخويه .. بلاش يكون حلمك كليه علشان لو لا قدر الله مجبتش مجموع الكليه دي هاتزعل و هاتزعل اوي و خليك عارف ان ربنا بيدي كل واحد حقه و ربنا بيحط كل واحد فينا في مكانه المناسب و اسالني انا كويس.

ربنا معاكم و يوفقكم و يحققلكم كل احلامكم.





تعليقات
ليست هناك تعليقات
إرسال تعليق

إرسال تعليق

اعلانات الصفحة الرئيسية
الاسمبريد إلكترونيرسالة

===== زر الاشتراك بالمدونة