recent
منح مجانية

المقابلة الشخصية - Interview (ما هي الاسئلة الشائعة و الاجابات الصحيحة)؟


كيفية اجتياز الانتترفيو

كيفية اجتياز الانتترفيو 


الانترفيو - Interview كيفية اجتياز الانتترفيو (الاسئله الشائعة و الاجابات الصحيحة)



ما معني كلمة انترفيو Interview ؟


  • هو عباره عن اجتماع او مقابلة بين شخص او اكثر من الشركة اللي عندها احتياج لشخص يقوم بشغل معين او شخص متقدم لمنحة دراسية و يجب علية اجتياز المقابلة الشخصية و الشخص الاخر هو المتقدم علي الفرص (سوا منحة دراسية او عمل). ف هنا نجد ان الاثنين في احتياج احدهما يريد شخص ان يقضي له بعض المهام و الاخر يريد يحصل علي الفرصه.
  • المقابلة الشخصية هي عبارة عن نوع من التعارف و لكن بطريقة بروفيشينال Professional او تقدر تقول بطريقة عملية و مهنية و الهدف من التعارف بالنسبة للشركة فبيكونوا عايزين يعرفوا هل الشخص المتقدم قادر علي اداء الشغل المطلوب! و بالنسبة للمتقدم علي الفرصة فهو يرير ان يعرف اذا كان يستطيع القيام بهذا العمل ام لا!
  • نقدر نقول انه تعارف متبادل ما بين الطرفين لسد احتياج كلا منهما.

هانقسم الموضوع لجزئين:

1-      ما قبل الانترفيو:-
·         لازم تعرف تاريخ الشركة او المؤسسة اللي انت رايح تعمل فيها الانترفيو لازم تعرف كل ما يخص الشركة منذ تاريخ التأسيس و حتي الان.
·         الانترفيو عبارة عن لعبة و كل ما بتقدم علي فرص اكتر و تدخل مقابلات شخصية اكتر كلما كان عندك معرفة اكتر و الموضوع بيكون سهل جدا.
·         قبل ما تروح انترفيو انت لازم تسال عن الشخص اللي انت هاتعمل معاه الانترفيو و حاول كمان تعرف ايه شخصيته. لازم تعرف اذا كان شخص بيحب التفاصيل فلازم تتكلم معاه بالتفصيل ولا شخص بيعتمد علي النتايج فبالتالي لازم تكلمة عن النتايج او ممكن يكون شخص بيحب انك تتكلم معاه بصيغة المودة و الحب.
·         فكل اللي عليك في النقطة دي انك تعرف كويس كل حاجه عن الشركه اللي انت رايحها و تسال كويس جدا عن الشخص اللي انت هاتعمل معاه المقابلة الشخصية.
2-      داخل الانترفيو:
·         لازم تكون عارف ان الشخص اللي بيعملك انترفيو بيقيس كلا من طريقة كلامك و كلامك نفسة
·         انت ممكن تكون بتتكلم كلام حلو جدا و و بتتكلم بطريقة كويسة جدا و لكن ممكن طريقتك تكون مهزوزه و معندكش حماس فبتلاقية رفضك
·         ممكن يحصل العكس ممكن يكون كلامك غير مرتب و مش احسن حاجه و لكن حماسك هو اللي بيخليك تتقبل في الاترفيو
·         خليك عارف ان في الانترفيو كل الاسئله الغرض منها التعرف علي شخصيتك مهما كان نوع السؤال (سوا سؤال شخصي او سؤال عام)
لازم في الانترفيو تركز علي حاجتين علي طريقتك و علي كلامك

ما هي الاسئلة الشائعة في اي انترفيو؟

1-      عرف نفسك:
·         خلي بالك في النقطة دي خليك عارف كويس ان الشخص اللي قدامك مش مستني منك انك تعرفة هواياتك او انت عندك كام اخ و كام اخت او وظيفة والديك الحاجات دي كلها بتكون مجرد كسر كلام او خوف جواك و لكنها مش الاجابة المطلوبه
·         الاجابة الاساسية و الصح لسؤال عرف نفسك هي انك تتكلم و تعرفة ايه الانجازات اللي انت عملتها في شغلك قبل كدا او ازاي شغلك دا كان ناجح او ايه الحاجات اللي انت شايف انك كويس فيها و بتعملها بطريقة كويسة و خلي كلامك بطرية Professional
·         يحبذ لو استخدمت طريقة التواريخ و هي انك تعرض انجازاتك او اعمالك بالترتيب و بالتواريخ من القديم الي الحديث (علي سبيل المثال: انا اتخرجت من الجامعة في 2015 و اشتغلت في شهر 9/2015 و بعد كدا روحت شركة كذا في 2017 و هكذا)
2-      ما هو اصعب جزء كان في وظيفتك القديمة؟
·        خلي بالك السؤال دا اما ينجحك في الانترفيو بكل بساطة او يخليك تترفض في الانترفيو
·         في السوال دا هو مش عايز يعرف ايه المشاكل اللي كانت عندك في الشغل القديم و لكن هو عايز يعرف انت ازاي بتتصرف لما يكون فيه مشكلة في المكان اللي انت شغال فيه و كمان لازم تركز اوي علي جزء ازاي انت حليت المشكلة دي و ازاي كمان و كمان ازاي هاتعمل متابعة بحيث ان المشكلة دي متحصلش تاني (انت كدا عرفتة ان عندك القدرة علي حل المشاكل اللي ممكن تواجة الشركة و كمان انك بتتابع المشكلة حتي لا تتكرر مرة اخري)
3-      اسئلة الاختيار:
·         هو بيديلك سوال و بيقولك اختار رقم 1 او 2 او 3 بحيث يكون حل مناسب للسؤال دا (علي سبيل المثال: انت رايح تقدم علي وظيفة مسوق مبيعات فهو بيقولك ايت ازاي هاتسوق المنتج دا او ما هي طريقة في التسويق و هايديلك خيارات 1 و 2 و 3 او a و b و c و يقولك اختار منهم)
·         الاسئله اللي زي دي متحاولش تختار اجاية من الاجابات اللي هو اديهالك لان بكل بساطة الاجابة هاتكون ان فيه طرق اخري اكثر من الطرق المعطاه في الاختيار لان لما بنتعامل مع الناس ف كل واحد ليه اسلوب و شخصية مختلفة ف انا دوري كمسوق مبيعات اني اتعامل مع كل شخص علي حسب شخصيتة و الطريقة اللي ممكن اقنعة بيها
4-      ماذا يقول عنك الناس؟
·         خلي بالك هو مش عايز يسمع منك ان الناس بتقول عليك انك شخص اجتماعي و بتعرف تتعامل مع كل الناس
·         هو عايز يعرف من السؤال دا انك لما بتكون في اي مؤسسة او شركة انت بتتعامل ازاي مع الناس اللي فيها
·         خلي كلامك دايما بطريقة رسمية بمعني الناس شايفة انك حد محافظ علي مواعيدة او بتخلص شغلك في مواعيدة او انت شخص متعاون و بتحب تساعد الناس
5-      ما هي نقاط قوتك و ضعفك؟ (او ما هي مميزاتك و عيوبك؟)
·         لازم تكون عارف في السؤال دا ان اي شخص عنده نقاط قوة و ضعف عندة صفات كويسة و مش كويسة
·         خلي بالك مينفعش تقول ان عندك بس نقاط قوة و متقولش علي نقاط الضعف بتاعتك
·         خلي بالك مينفعش تستخدم الطرقة المعتادة عند كل الناس و الخطأ و هي انك تحول نقاط ضعفك الي قوة (علي سبيل المثال: انا شخص مفرط في احلامي و نفسي احقق كذا حاجه او انا شخص بيهتم اوي بشغلة علي حساب حياتي الشخصية و بشتغل اكتر من ساعات العمل)
·         قول نقاط الضعف بتاعتك بكل امانه و ممكن تقول ايه الحلول للمشاكل دي اللي انت بتعملها علشان متكونش مشكلة عندك (انت هنا قولت نقطة ضعفك و لكن قولت حلها اللي انت بتعمله و بكدا انت بتدي انطباع عنك كويس للشخص اللي بيعملك انترفيو)
6-      ليه سبت الشغل السابق؟
·         خلي بالك في السؤال دا يا اما هاتعدي في الانترفيو يا ام هاتترفض مفيش اي خيار ثالث
·         هو مش عايز يعرف شغلك السابق و لكن هو عايز يعرف انت ليه بتنتقل من شركة الي اخري
·         حاول تخلي اجابتك كالتالي انا محتاج اطور من نفسي و اتعلم حاجات جديده ف انا اشايف اني هاقدر احقق دا في شركتكم او انا شايف ان الشركة بتاعتكم بتكبر و دي فرصة مناسبة ليا اني اكبر معاكم
·         حاول متتكلمش عن اي مشكلة كانت موجوده في مكانك شغلك القديم علشان ساعتها هاتحولها لنقطة ضدك
7-      انت شايف نفسك فين بعد 5 سنين؟
·         هو عايز يعرف ما هي اهدافك و طموحاتك. عايز يعرف انت عايز توصل لاي مرحلة في حياتك مع المؤسسة دي
·         عايز يعرف برضو اذا كنت ناوي تكمل معاه في الشركة دي ولا سنه او اتنين و هاتمشي
·         لازم اجابتك تكون بتعبر عن طموحك و حاول تربطة بالمؤسسة اللي انت مقدم عليها (علي سبيل المثال: انا شايف نفسي مدير قطاع كذا في الشركة دي)
8-      ما هو المرتب القديم؟
·         اجابة السؤال دا بكل بساطة محتاجة الصدق و الصراحة ف انت لازم تقول مرتبك القديم
9-      عندك اسئله عايز تسألها لينا؟
·         زي ما عرفنا في اول نقطة ما هو الانترفيو قولنا انه تعارف مبادل ف انت لازم تساله عن اي حاجه انت تعرفها
·         خلي بالك احذر ان يكون سوالك هو انا عملت انترفيو كويس ولا لا!
·         ممكن تسال هو ليه الناس اللي كانت شغاله في الشركة قبلي مشيت؟
·         ممكن تتسال عن اي حاجه بخصوص الشركة لو انت مش عارفها

الاخطاء الشائعة و حلها:

·         لازم تخلي بالك من لغة الجسد (Body Language) و انت بتعمل انترفيو. لازم تكون قاعد و ضهرك مفروض و واثق من نفسك و بتتكلم بصوت واضح
·         لازم يكون فية Eye Contact و اللي معناها التواصل بالعين. لازم في اي انترفيو تكون عينك في عينه حتي لو الشخص اللي قدامك حاول يتظاهر انه مش مركز معاك او بيبص في اللابتوب بتاعه او الموبايل فخلي برضو عينك عليه
لازم تكون قاري السيرة الذاتية او CV بتاعك و تكون عامل كل نقطة انت كاتبها في الانترفيو 


Reactions:
author-img
فرصة كل يوم - Get Your Chance

تعليقات

ليست هناك تعليقات
إرسال تعليق
    google-playkhamsatmostaqltradent