U3F1ZWV6ZTI3OTc0MjY1OTc2OTIwX0ZyZWUxNzY0ODU4NTkzNzA0Mw==

البيان الشخصي| Personal Statement


البيان الشخصي| Personal Statement


تعريف البيان الشخصي

في البيان الشخصي تقوم بعرض انجازاتك و اهدافك و طموحاتك و المواهب التي تمتلكها. يتكون الخطاب الشخصي من صفحة او اثنين علي الاكثر (و في بعض المنح يطلب من 300 كلمة بحد ادني الي 500 كلمة بحد اقصي). يجب ان توضح في الخطاب الشخصي جميع القدرات التي تمتلكها و يجب ان تتضمن خلالها اسباب اختيارك للفرصة التي تقوم بالتقديم عليها (علي سبيل المثال منحة دراسية). يمكنك ايضا التحدث عن اهدافك و الافكار الابداعية التي تمتلكها و ما مدي قدرتك علي التاثير في الفرصة التي تقوم بالتقديم عليها و ما هي الاستفادة التي ستعود عليك ايضا و كيف ستساعدك في المستقبل.
يمكن تعريف البيان الشخصي ايضا علي انه خطاب يعكس صورتك و يعبر عنك و يعطي فرصة للاشخاص الذين يقومون بمراجة طلبك لمعرفة العديد من المعلومات عنك. و ما المنفعة التي ستعود عليك في حالة قبولك في هذه الفرصة!

طريقة الكتابة الصحيحة




  • يجب عليك ان تكون موجزاً و صريحا في كتابتك. يجب ان يكون البيان الشخصي معبر عنك بشكل كامل و مختصر بقدر المكان. يجب ان تتكلم عن نفسك و عن نقاط القوة و تتحدث علي تعليمك و ما الاستفادة التي عادت عليك من خلال تعلمك. يجب ايضا ان تذكر التدريبات و الاعمال التطوعية التي شاركت بها. يجب ايضا ان يعكس البيان الشخصي كل المهارات التي اكتسبتها في حياتك من بداية اول مرحلة تعليمية في حياتك (علي سبيل المثال تنظيم الوقت و العمل مع فريق و مدي اتقانك للغة الانجليزية و مهارات التواصل Communication Skills و الادوار القيادية Leadership Skills)
  • لما تبدأ كلامك في ال Personal Statement ابدأ بافتتاحيه متتنسيش. بمعني ان الافتتاحيت المحفوظة و التقليدية و اللي متاخدة Copy من علي الانترنت دي غلط لان الجامعات او الجهه اللي انت مقدم عليها بقيوا حافظين الحاجات دي و في برامج كتير بتسهل عليهم انهم يعرفوا انت كاتب الكلام دا من نفسك ولا ناقله (مثلI have always wanted to be  او No one can deny ). خلي بدايتك دايما جذابة و بداية جديدة خاصة بيك انت.
  • لما تيجي تكتب في الخطاب الشخصي لازم تنقي الكلام بتاعك و تختار الجمل و تراجعها اكتر من مره قبل ما تكتب اي كلمه و خلاص. خلي كلامك Creative و ابعد عن الكلمات المستخدمه باستمرار زي (و منها Like, Such as, Firstly, Secondly, Finally, or I could n't put it into words) لان كل الكلام دا هاتلاقي فيه ناس كتير قبل كتبتة.
  •  لازم تقرا عن الحاجه اللي انت مقدم عليها قبل ما تكتب الخطاب الشخصي. يجب ان تكون علي دراية بالموضوع الذي تقوم بالتقديم عليه. لانك عند الكتابة لازم تذكر بعض الحاجات اللي انت بسببها اختر الموضوع دا سواء بقي منحة بكالوريس او ماجستير او دكتوراه او تدرب صيفي او مدرسه صيفيه او تطوع او شغل. لازم تفهم اللي بيقرا ال Personal Statement بتاعك انك واحد مهتم بالموضوع دا جد.
  • ابعد عن انك تاخد اقتباس من حد او بعض المقولات. لو انت مطلوب منك تكتب ما بين مثلا 300 كلمة الي 500 كلمة. ف انت كل كلمة بتكتبها مهم بالنسبالك و اكتب حاجات تعكس شخصيتك انت، افضل من الكلام المقتبس.
  •  حاول دايما يكون كلامك علي نفسك مرتبط بالموضوع اللي انت اخترت تقدم عليه. لو علي سبيل المثال اخترت مجال دراستك في الكيمياء. حاول تبين ان فتره حياتك من او ما كنت في مدرسه ابتدائي انك كنت بتحب العلوم و كنت بتهتم بالمجال دا و اخدت فيه كورسات و حضرت ايفينتات و هكذا.
  • لما تكتب حاول تقسم موضوعك لنقط و افكار رئيسية علشان تعرف تشرح كل نقطة. و في نفس الوقت متكنش مفرط في الكلام. خليك موجز علشان تعرف تفسر كل نقاطك المهمة. و خلي كل كلامك متساوين، يعني متكتبش في نقطه معينه كلام كتير و نقطه تانيه كلام قليل. خلي موضوعك كله متساوي.
  • زي ما بدأت ال Personal Statement بكلامCreative  لازم تختمة برضو بكلام Creative. لازم تكون نهايه ايجابيه بتعكس برضو مدي اهتمامك بالموضوع اللي اخترتة.


طريقة الكتابة


هاتقسم الموضوع بتاعك الي 3 اجزاء


1-      البداية: حاول تركز فيه علي الموضوع دا و ادي نظره عامه عن سبب اختيارك لهذه الفرصة.


2-      Middle او الفقره التانية: حاول تكتب فيها انجازاتك زي اي منصب قيادي انت كنت فيه او تطوع او تدريب صيفي اي انجز ليك مهما كان اكتبة. حتي لو انت شايفه مش مهم بالنسبالك. الحاجات الصغيره دي بتفرق جدا معاك.


3-      النهاية: بتكتب فيها هوياتك و حاول تكون الهوايات دي مرتبطة بالفرصة اللي انت بتقدم عليها. و لازم تكون الخاتمة بتاعتك ايجابية تخلي الشخص اللي بيراجع خطابك الشخصي يفضل عندة صورة ايجابيو عنك.


ملحوظة: لازم تراجع الخطاب الشخصي اكتر من مرة و تتاكد ان كل كلمة مكتوبة بشكل صحيح و القواعد صحيحة.


ممكن شخص متمكن في اللغة الانجليزية يراجعلك الخطاب الشخصي

ممكن تستخدم برنامج Grammarly. يمكنك تحميل برنامج Grammarly من هنا



امثلة علي خطابات شخصية مكتوبة












تعليقات
3 تعليقات
إرسال تعليق
  1. حلو كل المنح بتطلبه وبيكون الموشر اللي منه بتتقبل او تترفض

    ردحذف
  2. مقالة بصراحة جات فى وقتها بالضبط . يا ريت تكمل وتساعد الكل.

    ردحذف
    الردود
    1. شكرا لحضرتك ممكن تعمله شير و تساعد غيرك برضو

      حذف

إرسال تعليق

اعلانات الصفحة الرئيسية
الاسمبريد إلكترونيرسالة

===== زر الاشتراك بالمدونة