recent
منح مجانية

تويفل اونلاين| TOEFL Online




TOEFL IBT

TOEFL IBT


نفسي اتقبل في منحة .. ازاي ابقي مؤهل اني اتقبل في اي منحة !!


كتير مننا بنبص للناس اللي بتتقبل في منح و تقول انا نفسي اخد منحة زيه .. طب اشمعنا هو بيتقبل . هو بيعمل ايه !! .. ايه الحاجات اللي عنده اللي بسببها اتقبل في المنحة .. عايز اطور من نفسي و يبقي عندي كل المؤهلات و المهارات اللي تخليني اقدم في منحة .. اسئله كتير الحقيقة بتدور في دماغنا و بتخلينا تايهين .. او للاسف بنوصل لطريق مسدود لاننا مش عارفين نرتب نفسنا .. مش عارفين ازاي نمشي في الطريق الصح .. كل شوية واحد يقولي علي حاجة جديدة لازم اعملها بتخليني استسلم و ايأس و ارجع لورا 

طب ايه هيا الخطوات اللي ممكن امشي عليها او الحاجات اللي لازم تبقي معايا علشان اقدم علي منحة !!
اول حاجة هاتكلم عنها و هيا التوفل TOEFL IBT   امتحان اللغه الانجليزية لغير الناطقين بها ..

التوفل (TOEFL IBT)


دا عبارة عن امتحان لغة انجليزية لغير الناطقين بها (يعني الناس اللي لغتها الاساسة مش الانجلش) .. الامتحان دا بيكون بمثابة مقياس علشان يختبروا درجة اتقان الشخص للانجلش .. خصوصا للناس اللي عايزة تدرس في جامعات في اي مكان خارج مصر .. الامتحان دا مقدم من خدمة الاختبارات التعليمية الامريكية .. الامتحان مقسم علي اربع اجزاء و هما:
1-      Reading
2-      Listening
3-      Speaking
4-      Writing
امتحان التوفل IBT من  المتطلبات الضرورية للقبول بالجامعات خارج مصر و لازم الطالب انه يجيب الدرجه اللي طلباها الجامعة اللي هو مقدم عليها علشان يحصل علي  قبول نهائي في الجامعة .. في حاجة الجامعات عملتها و هي القبول المشروط .. دا عبارة عن ان الجامعة بتقبلك و لكن بشرط انك تمتحن التوفل IBT  .. و بتديلك وقت انك تمتحنهة علشان تاخد قبول نهائي ..
مجموعة درجات الامتحان 120 مقسمه علي 4 اقسام رئيسية و كل قسم 30  درجة.
مدة الامتحان من 3.5 الي 4 ساعات مقسمه على:
Reading: 60 to 100 minutes
Listening: 60 to 9 minutes
Break: 10 minutes
Speaking: 20 minutes
Writing: 50 minutes

 Reading Section


القسم دا بيقيس مهارة الطالب في القراءة من خلال مجموعة من المواضيع المختلفة سواء في مجال الطب والهندسة والكمبيوتر و البيزنيس .. والاسئلة عبارة عن اختار من متعدد على كل موضوع .. و الاختيار من متعدد بيسألك فيه عن معاني الكلمات و أسئلة عن الفكرة العامة للموضوع و اسئلة عن احداث في الموضوع نفسه .. مش معني ان الموضوع في الطب او البيزنيس مثلا و دول مش تخصصك ف انت تستلم لا خالص .. انت بتكون متدرب و بتقرا و بتركز مش لازم تكون عارف كل الكلمات اللي في الموضوع اهم حاجة انك تربط الموضوع ببعضة و تبقي عارف الفكرة العامة دا هو الطريق الوحيد علشان تعدي في الامتحان و تجيب الدرجة المطلوبة 

Listening Section


القسم دا بيقيس مستوى الاستماع عند الطالب من خلال محادثات قصيرة بين شخصين او اكثر او ممكن يكون مدرس بيلقي محاضرة  لطلاب في الفصل .. في محادثات بتكون اطول بتاخد بضع دقائق ( من 4 الي 5 دقائق) بتكون عن موضوع معين .. و الاسئله برضو بتكون عبارة عن اختيار من متعدد 

Speaking Section


في القسم دا انت بتتكلم في ميكرفون .. و الاجابة بتتسجل .. والممتحن بيسمع التسجيل و بيقيمك عليه.. الجزء دا عبارة عن 6 اسئله .. اول سؤالين يدوران حول مواقف شخصية لك (هايقولك مثلا اتكلم عن حاجه انت بتحبها او حد مثلك الاعلي او رائيك في حاجه معينه و هكذا) .. والسؤالان اللي بعدهم يكونان حول موضوع و بعدين انت تدي رأيك في المضوع دا .. و اخر سؤالين بتسمع الى محادثة قصيرة و يطلب منك تلخيصها .. (فيه ناس كتير بتخاف في التقييم لان النطق بتاعها بيكون مختلف عن النطق اللي بيتكلموا بيه الاجانب او اصحاب اللغه .. و لكن هما بيراعوا اختلاف النطق في البلاد التانية) 

Writing Section


 القسم دا بيقيس كفاءة الطالب في الكتابة والقدرة على استخدام الكلمات وتهجئتها بطريقة صحيح و ازاي تربط الكلمات والجمل ببعضها .. القسم دا بيقيس برضو قدرت الطالب او الشخص اللي بيمتحن القدره على تكوين جمل مفيدة .. القسم دا بيكون عبارة عن سؤالين .. ول سؤال بيكون عبارة عن قطعة انت بتقراها و بعدين بتسمع حاجة مرتبطة بالجزء اللي انت قريتة و بعدين بيديلك 20 دقيقه تكتب فيها عن اللي قريته و سمعته و الربط ما بينهم .. بيكون عدد الكلمات اللي مطلوبة منك من 150 كلمة ل 225 كلمة .. السؤال التاني بيكون عبارة عن موضوع عشوائي .. بيكون مدة الكتابة 30 دقيقة .. و عدد الكلمات المطلوبة 300 كلمة علي الاقل 

ازاي تحضر للامتحان ؟


فيه كتب مجانية:

FREE TOEFL iBT Test Sample Questions
The TOEFL iBT Test Sampler
Improve Your Reading Skills with Lexile® Measures
The TOEFL Test Prep Planner
TOEFL iBT Quick Prep




Reactions:
author-img
فرصة كل يوم - Get Your Chance

تعليقات

ليست هناك تعليقات
إرسال تعليق
    google-playkhamsatmostaqltradent