recent
منح مجانية

الدراسة في روسيا - Study in Russia



الدراسة في روسيا



الدراسة في روسيا 


Study in Russia




الدراسه في روسيا معترف بيها ولا اي كلام !

مبدئيا روسيا فيها جميع التخصصات الدراسيه بالاضافه انها مشهوره بمدارسها و جامعتها القويه في المجالات العلميه في مجال العلوم الفيزيائيه و الرياضيه و الطبيعيه .. غير ان روسيا طالع منها علماء كتير في مجال الكيمياء و الفيزياء و الجيولوجيا و الطب و الهندسه و غيرها كتير 

الجامعات الروسيه بيكون فيها ميزه حلوه و هيا ان فيه بعض الجامعات مش بتكون طالبه منك اثبات لغه انجليزيه و دا في حاله انك هاتيجي تدرس البرنامج بتاعك باللغه الروسيه .. و في الحاله دي انت بتاخد سنه تحضيريه .. و السنه التحضيريه دي بيتكون عباره عن سنه انت بتدرس فييها اللغه الروسيه 

طب هل ممكن اتقن اللغه الروسيه في 6 شهور بس او سنه ؟


الاجابه لا .. و لكن انت تكون عارف 80% من اللغه و دا اللي بيبسطلك كل حاجه انت محتاجها في حياتك اليويمه و بتكون الدنيا سهله معاك جدا .. و ال 20% دول بيجوا مع استمرار دراستك في روسيا بالاضافه الي التعامل مع الناس .. اهم حاجه شبكه الاصدقاء اللي انت هاتعملها و هاتسهل عليك كتير 

علي سبيل المثال انا الماجستير بتاعي باللغه الانجليزيه و مش باخد سنه تحضيريه و لكن عملت نفسي روسي من يوتيوب و بعرف اتعامل مع الناس بسهوله في الحاجات المهمه اللي عايز اقضيها .. يعني الخلاص اللغه مش هاتكون عائق قدامك 

طب الشهاده الجامعيه الروسيه معترف بيها في دول العالم ؟


الاجابه طبعا معترف بيها .. للاسف كل الفكره اللي احنا واخدينها عن روسيا ان شهاده الجامعه ملهاش اي لازم و دا لاننا بنسمع عن معظم الشبابا اللي بتيجي جامعات اي كلام شبيه بالجامعات الخاصه و بتدفه 2000 دولار في السنه .. و لكن الموضع دا غلط .. طالما انت جاي تتعلم في جامعه روسيه حكوميه ف هي معترف بيها في جميع دول العالم و من الجامعات الحكوميه المعترف بيها و المعروفه

1-      جامعه موسكو الحكوميه Moscow State University (https://www.msu.ru/en/index.html)
2-      جامعه سان بطرسبورغ Saint Petersburg University (https://english.spbu.ru/)
3-      جامعه نوفوسيبريسك الحكوميه Novosibirsk State University (و دي الجامعه اللي انا بدرس فيها بس انا منحه دراسيه بدرس برنامج ماجستير) (https://english.nsu.ru/news-events/)
4-      معهد موسكو للفيزياء و التكنولوجيا Moscow Institute of Physics and Technology (https://mipt.ru/english/edu/)
5-       جامعه تومسك الحكوميه Tomsk State University (http://en.tsu.ru/)
6-      جامعه موسكو التقنيه Bauman Moscow State Technical University (https://bmstu.ru/en/)
7-      معهد موسكو للهندسه الفيزيائيه   Moscow Engineering Physics Institute (https://eng.mephi.ru/)
8-      الجامعه الوطنيه للابحاث المدرسه العليا للاقتصاد بموسكو HSE (https://www.hse.ru/en/)
9-      معهد موسكو الحكومي للعلاقات الدوليه Moscow State Institute of International Relations (https://english.mgimo.ru/education)
10-   جامعه تومسك التقنيه Tomsk Polytechnic University (https://tpu.ru/en)
دا لينك جامعات تانيه في روسيا (https://studyinrussia.ru/ar/study-in-russia/universities/)
عدد متحدثين اللفه الروسيه في العالم 260 مليون نسمه و بيتعلم اللغه الروسيه ما يقارب 11 مليون اجنبي
في الجامعات الروسيه فيه انشطه كتير ممكن تمارسها و منها المنافسات الرياضه و المسرح و فيه فرق متطوعين خاصيين بالجامعات 

الدراسه في روسيا بتكون عن طريقين:


اولا: انك بتسافر و بتدرس علي حسابك (و دا انا هاشرحه قريب ازاي تقدم علي جامعه في روسيا و تاخد جواب القبول بدون اي مكتب ياخد منك فلوس و يضحك عليك)
ثانيا: انك تقدم علي منحه دراسيه تتكفل بكل المصاريف الخاصه بفتره دراستك في اي جامعه في روسيا سوا بكالوريوس او ماجستير او دكتوراه .. و من اشهر المنح المعروفه في روسيا
1-       منحه الحكومه الروسيه (https://russia.study/en)  و دي متاح التقديم عليها حاليا
2-       منحه Open Doors Russian Olympiad (https://od.globaluni.ru/en/)  و دي بتفتج في شهر 10 من كل سنه .. دي منحه جديده مقدمه حديثا من الحكومه الروسيه (دي المنحه اللي انا اخدتها) 

دا لينك فيديو منحه الحكومه الروسيه فيه شرح التقديم علي المنحه و ازاي تملي الابليشكن من هنا.


دا لينك فيديو متطلبات المنح من هنا.





Reactions:
author-img
فرصة كل يوم - Get Your Chance

تعليقات

ليست هناك تعليقات
إرسال تعليق
    google-playkhamsatmostaqltradent